L O G U I E D Z
Lo Guiedz. San Juan, San Juan Gbëë (zigne runbey grë men guiedzgax ladz ne) nu nac zaatne gol ne.
Grë zha ne nod lad guiedz niina, gacd guiaanladz ne zaatne broob ne, zaatne bdziit ne, zaatne bzioob ne bzhidz ne, zaatne bzioob ne bdzioon ne; sac nu nac ladz ne.
¿ P E N A C G B Ë Ë ?
Gbëë nac chop diidz xiidz-zë ne. G ni bëë; g co nac gui, laa bëë, nac mëë. Naca zig nac ne rnee ne niina: Gui Mëë.
Grë guiedz ne no gax, zig nac men San Juan Guivini, haxta lo nadze zeene rzeet zho ne, rnee zho: Men Swan Ybee; zig nacgaa men Loven, men co rnee: Men San Juan Mioo. Mioo, sca rnee zho mëë. Ga nagon ndionpaa ne Gbëë, nac Gui Mëë. Dzigo zeene rnee zho ne, men Ybëë, naca zig nac ne rnee ne: Men Gui Mëë.
Zeene psilo bnabey grë zha aztec, hor co biaan grëse guiedz none grieelëw zigne nac xtiidz zho, gane biaan Mixtepec, zigne rdziunbey new niina.
¿Pe dzigo nac Mixtepec?
Mixtepec nac diidz náhuatl, diidz ne bnee miech zaatne bre Zguit padzedoxtlaa; ni haxta niina bii rnee zho náhuatl.
Scaque, chop diidz nac Mixtepec, Mix ni tepec. Dzigo merpaa diidz co naca:
Meztli ni tepetl
Metztli rnee zho: mëë; laa tepetl, rnee zho: gui.
Ndion ne nasca, Mixtepec nac Gui Mëë; ni ndion ne scaque nac Gbëë.
Lo Guiedz